आमदार संतोष दानवे यांनी घेतली वैदू समाज बांधवांची भेट;पायाभूत सुविधा उपलब्ध करून देण्याचे आश्वासन
दर्पण सहयाद्री न्यूज
आमदार संतोष पाटील दानवे हे मतदारसंघाच्या दौऱ्यावर असताना जाफ्राबाद तालुक्यातील वरुड बु.येथे वैदू समाज बांधवांच्या वस्तीवर जाऊन सदिच्छा भेट घेऊन त्यांच्याशी संवाद साधला.वैदू समाजासाठी पायाभूत सुविधा निर्माण करून त्यांच्या समस्या सोडवण्यासाठी प्रामाणिकपणे प्रयत्न करण्याचे आश्वासन आ.संतोष पाटील दानवे यांनी वैदू समाजाला दिले.
यावेळी बोलताना आ.दानवें म्हणाले की वैदू समाज हा पोटाची खळगी भरण्यासाठी व व्यवसाया निमित्ताने महाराष्ट्रासह इतर राज्यातही भटकंती करत असतो.त्यामुळे त्यांना आरोग्य, शिक्षण, आर्थिक व सामाजिक यासारख्या अनेक अडचणींचा सामना करावा लागतो.
मतदार संघाचा लोकप्रतिनिधी या नात्याने मी आज वैदू समाजाच्या वस्तीवर जाऊन त्यांची सदिच्छा भेट घेतली. त्यांच्याशी संवाद साधला.त्यांच्या समस्या लक्षात घेऊन त्या सोडवण्यासाठी प्रामाणिकपणे प्रयत्न करणार असल्याचे आश्वासन आमदार संतोष पाटील दानवे यांनी वैदू समाजाला दिले.याप्रसंगी भारतीय जनता पार्टीचे स्थानिक पदाधिकारी व वैदू समाजातील कार्यकर्ते उपस्थित होते.