दर्पण सह्याद्री न्यूज
श्रीक्षेत्र राजूर
इथे साऊ एकल महिला समिती आणि तेजस जनविकास संस्था यांच्या संयुक्त विद्यमाने गरीब व गरजू विधवा महिला भगिनींच्या मुलांना शैक्षणिक साहित्यासोबतच ग्रामसंसद कार्यालय राजुर यांच्या विशेष सहकार्यातून शालेय विद्यार्थ्यांना गणवेशाचे वाटप करण्यात आले.
गुरुवारी दिनांक १४ ऑगस्ट रोजी राजूर येथील ग्रामपंचायत कार्यालयात हा कार्यक्रम आयोजित करण्यात आला होता.
या उपक्रमांतर्गत भोकरदन आणि बदनापूर तालुक्यातील एकूण २० विधवा महिलांच्या मुलांना शालेय गणवेशाचे वाटप करण्यात आले.
या सामाजिक कार्यात राजूर गणपती येथील सरपंच प्रतिभाताई भुजंग, माजी भाऊसाहेब भुजंग,उपसरपंच संतोष मगरे, ग्रामविकास अधिकारी प्रमोद पुंगळे,तेजस जनविकास संस्थेचे अध्यक्ष शिवाजी तायडे,परमेश्वर पुंगळे, पंढरीनाथ करपे,रामेश्वर सोनावणे,गुलाबराव मगरे,यादव मोरे,सुरेश पवार,विनोद डवले,निवृत्ती पुंगळे ग्रामपंचायतीचे सर्व सदस्य उपस्थित होते.
यावेळी बोलताना सरपंच प्रतिभा भुजंग म्हणाल्या की ग्रामसंसद कार्यालय राजूर,साऊ एकल महिला समिती आणि तेजस जनविकास संस्थेचे माध्यमातून आज २० गरजू मुलांना शालेय गणवेशाचे वाटप करता आले, याचा आम्हाला विशेष आनंद झाल्याचे मत सरपंच प्रतिभाताई भुजंग यांनी व्यक्त केले.
संस्थांच्या या उपक्रमामुळे अनेक गरजू विद्यार्थ्यांना मोठा आधार मिळाला असून,उपस्थितांनी या कार्याचे कौतुक केले. भविष्यातही अशाच प्रकारे सामाजिक बांधिलकी जपत गरजू विद्यार्थ्यांना मदत करण्याचे आश्वासन या वेळी देण्यात आले.