दर्पण सह्याद्री न्यूज
श्रीक्षेत्र राजुर
महामानव भारतरत्न डॉ.बाबासाहेब आंबेडकर यांच्या संविधान प्रतिकृतीची मोडतोड करून विटंबना केल्याची घटना दोन दिवसांपूर्वी परभणी शहरात घडली होती. या घटनेचे तीव्र पडसाद संपूर्ण महाराष्ट्रात उमटल्याचे दिसून आले. ठिकठिकाणी आंदोलन करून बंद पाळण्यात आला. भोकरदन तालुक्यातील राजुर येथे आंबेडकरी अनुयायांच्या वतीने परभणी येथे घडलेल्या घटनेचा जाहीर निषेध करण्यात आला. समाज बांधवांच्या वतीने हसनाबाद पोलीस ठाण्याचे सहाय्यक निरीक्षक संजय अहिरे यांना निवेदन देण्यात आले. संबंधित आरोपीवर कठोर कारवाई करण्याची मागणी यावेळी करण्यात आली.निवेदन देताना राजूरचे उपसरपंच संतोष मगरे,सतीश सोनवणे,सोमीनाथ रगडे,अशोक मगरे ,संदीप पवार,अमोल साबळे,विजय काकडे,किशोर सोनवणे यांची उपस्थिती होती.